NOR GARA

 

HERRIMA, 2015az geroztik Euskal Herriaren independentzia berreskuratzen laguntzeko asmoz sortutako egitasmoa da.

Zapalkuntzatik askatasunerako bidean, hausnarketa eta eztabaida politiko zintzoak ezinbestekoak dira, baita memoria historikoaren berreskurapena eta narratiba nazionalaren idazketa propioa ere, horiek eztabaidarako lanabes eta arma bihurtzen baitira herriarentzat.

Alabaina, ideologia inperialistak bortxaz ezarri digun mendetako akulturazio-prozesuak erabat lausotu du gure herriaren errealitate gordina, eta, begirada zorrozteko ariketan laguntzeko, iragarri nahi dizuegu prest gaituzuela gure arrazoimen propioa berreraikitzeko lan oro argitara emateko.

Zeregin horretan kokatzen du HERRIMAk bere burua, eta askatasun desira bera partekatzeko, bidaide nahi zaituztegu, elkarlanean, lagun diezaiogun herriari irentsitako pozoia botatzen, begirada garbitzen, ahotsa altxatzen eta duintasuna berreskuratzen.